खोप लगाएर ढुक्क हुनुहुन्छ भने भ्रममा हुनुहुन्छ।भर्खर आयो सबैलाई त्रसित गराउने खबर

समाचार

लक्षित जनसंख्या १ करोड ९९ लाख २२ हजार १ सय ६४ मध्ये ४३.६ प्रतिशतले एक डोज र ३६.८ प्रतिशतले पूर्ण खोप लगाइसकेका छन्
काठमाडौँ — कोभिडका नयाँ संक्रमितमध्ये करिब १० प्रतिशतले एक डोज खोप लगाएको पाइएको छ । हाल दैनिक संक्रमितमध्ये ७० प्रतिशत २० देखि ६० वर्ष उमेर समूहका छन् ।

‘दैनिक नयाँ संक्रमितमध्ये ८ देखि १० प्रतिशतसम्म खोप लगाएकाहरू छन्,’ स्वास्थ्य मन्त्रालयका प्रवक्ता एवं इपिडिमियोलोजी तथा रोग नियन्त्रण महाशाखाका निर्देशक डा. कृष्णप्रसाद पौडेलले भने, ‘खोप लगाएकामध्ये सामान्य स्वास्थ्य अवस्था भएकामा मृत्यु र रोगको गम्भीरता तुलनात्मक रूपमा एकदमै कम भेटिएको छ ।’

अस्पतालमा भर्ना भएका गम्भीर संक्रमितमा खोप लगाएकाको संख्या अत्यन्त कम छ । खोप लगाएर पनि अस्पताल भर्ना भएका बिरामी भने अधिकांश दीर्घरोगी र पाका उमेरका छन् । पहिलेदेखि नै कुनै गम्भीर रोग भएको अवस्थालाई दीर्घरोग (कोमर्बिडिटी) भनिन्छ । सामान्य भाषामा भन्दा रक्तचाप, मधुमेह, दम, फोक्सोको रोग, क्यान्सर, मृगौलाको रोग, एचआईभीका बिरामीलाई दीर्घरोगी मानिन्छ ।

यस्ता बिरामीमा रोग प्रतिरोधक क्षमता (इम्युनिटी) कम हुन्छ । त्यसकारण पनि दीर्घरोगीमा संक्रमण देखिँदा गम्भीर असर पुग्छ । यस्तो जोखिम बूढापाका र गर्भवती महिलामा बढी हुन्छ । मन्त्रालयका अनुसार खोप लगाएर पनि पर्याप्त रोग प्रतिरोधक क्षमता विकास नभएका कारण ज्येष्ठ नागरिकहरूको मृत्यु भएको देखिन्छ । खोप लगाएकामा देखिने अधिकांश मृत्यु र जटिलता ‘कोमर्बिडिटी’ भएकाहरूमा देखिएको औंल्याउँदै डा. पौडेलले भने, ‘त्यसैले स्वास्थ्य सुरक्षा मापदण्ड पालना कडाइसाथ पालना गर्दै उनीहरूलाई संक्रमित हुनबाट जोगाउनुपर्छ ।’

Leave a Reply

Your email address will not be published. Required fields are marked *