दशैको मुखमा काठमाडौं उपत्यकावासीको लागि अत्यन्तै खुसीको खबर!बल्ल बाँच्ने आशा पलायो!

समाचार

काठमाडौं । उपत्यकाका केही स्थानीय तहहरुले संक्रमितको संख्यामा कमी हुदैगएको र आइसोलेसन केन्द्रमा बस्ने संक्रमितको संख्या घट्दै गएसँगै आइसोलेसन केन्द्र घटाउदै लगेका छन् । काठमाडौंं महानगपालिकाले संक्रमणको दोस्रो लहरमा छुट्याएको ३५० बेडहरु सबै खाली गरिएको जनाएको छ ।

पछिल्लो समय संक्रमित बिरामीहरु होम आइसोलेसनमै बस्न चाहेकाकारण आइसोलेसन केन्द्रहरु तत्कालका लागि खाली गरेको महानगरका स्वास्थ्य महाशाखा प्रमुख हरि कुँवरले जानकारी दिनुभयो । हाललाई सेवा स्थगित गरिएका आइसोलेसन केन्द्रहरु आवश्यक परेमा तत्काल महानगरले आइसोलेसन केन्द्रको स्थापना गर्नसक्ने उहाँको भनाइ छ ।

यता, ललितपुर महानगरपालिकामा पनि आइसोलेसन केन्द्रमा बस्ने संक्रमितको संख्यामा कमी हुदैगएको छ । महानगरमा ११० बेडको आइसोलेसनमा अहिले जम्मा २३ जनामात्र संक्रमित विरामी रहेको मेयर चिरिबाबु महर्जनले बताउनुभयो ।

पछिल्लो समय विरामीहरु पनि घट्दै जान थालेको र धरै संक्रमितहरु होम आइसोलेसनमा बस्न चाहेका कारण पनि आइसोलेसनमा बस्नेको संख्यामा कमी हुदैगएको उहाँको भनाइ छ । आइसोलेसनमा बस्ने संक्रमितको संख्या कमी हुदै गएमा थप आइसोलेसन केन्द्रहरु पनि विस्तारै घटाउन सकिने उहाँले बताउनुभयो ।

Leave a Reply

Your email address will not be published. Required fields are marked *