यस्ता व्याक्तिले कोरोना खोप लगाउन नमिल्ने।बेलैमा जानकारी लिनुहोला नत्र ज्यानलाई जोखिम हुनसक्छ।

स्वास्थ्य

स्वास्थ्य तथा जनसंख्या मन्त्रालयले कोभिशिल्ड र आस्ट्राजेनेका खोप प्रयोगसम्बन्धी गाइडलाइन्स जारी गरेको छ। ‘खोप प्रयोग तथा सञ्चालनसम्बन्धी अन्तरिम मार्गदर्शन’ अनुसार कुनै पनि कारणले हाल गम्भीर बिरामी भएको वा उच्च ज्वरो आएको व्यक्तिले खोप लगाउन मिल्दैन। तर यस प्रकारको अवस्था निको भएपछि यो खोप लगाउन सकिन्छ।

यस्तै, पहिला अन्य कुनै पनि कारणले गम्भीर प्रकारको प्रतिक्रिया (रियाक्सन) वा एनाफाइलेक्सिस भएका व्यक्ति, खोपको कुनै पनि तत्वबाट गम्भीर प्रकारको प्रतिक्रिया भएको व्यक्ति, १८ वर्षभन्दा कम उमेरका व्यक्ति, पहिलो भेरोसेल, जोन्सन वा अन्य कोभिडविरुद्धको खोप लिएको व्यक्तिले कोभिशिल्ड र आस्ट्राजेनेका लगाउन मिल्दैन।

यस्तै, प्यासिभ एन्टिबडी थेरापी उपचारमा भएका व्यक्तिलाई यो खोप लगाउनु हुँदैन। तर यस प्रकारको उपचार लिएको ९० दिनपछि मात्र यो खोप लगाउन सकिन्छ।हाल कोभिड १९ संक्रमण भएको व्यक्तिले निको भएको ३० दिनपछि लगाउन मिल्छ।

रगत बग्ने समस्या भएका व्यक्ति वा रगत पातलो गराउने औषधि लिइराखेका व्यक्तिलाई विशेष निगरानी वा परामर्श जरुरी हुन्छ। रोग प्रतिरोधात्मक क्षमता कम भएका व्यक्तिहरु र दीर्घरोग भएका व्यक्तिहरुलाई कोभिड १९ को जोखिममा हुन्छन्। यस्ता व्यक्तिलाई यो खोप दिन सकिछ।

नेपालमा हाल इटालीमा बनेको खोप भुटानबाट र जापानमा बनेको खोप जापान सरकारबाट कोभ्याक्स सुविधामार्फत प्राप्त भएको छ। इटालीमा बनेको खोपको म्याद सकिने मिति भदौ १५ र जापानबाट बनेको खोपको म्याद असोज ३१ गतेसम्म छ।

Leave a Reply

Your email address will not be published. Required fields are marked *